مفيدة شيحة وسهير جودة تشيدان بتريند "كرافت أفتر نون": أحسن من النميمة

تناولت الإعلامية مفيدة شيحة في حديثها التريند الجديد، الذي بدأ ينتشر بين الشباب، يُعرف باسم "كرافت أفتر نون"، مشيرة إلى أنه يمثل تغييرًا إيجابيًا في طريقة قضاء الوقت الاجتماعي.

وقالت مفيدة خلال حديثها في برنامج "الستات" المذاع على قناة النهار: "فيه تريند طلع جديد اسمه كرافت أفتر نون، والجيل الحالي بقى بيقول بدل ما أضيع وقتي في كافيهات وادفع فلوس، نتجمع ونروح مكان نرسم فيه على الزجاج أو نلعب بالصلصال أو نعمل ديكوباج".
 

وأضافت مفيدة: "الناس بتتعلم من بعض، وبيعملوا حاجة مفيدة بدل القعدة الفاضية، والفكرة دي من الأفكار الجميلة جدًا وبتشجع على الإبداع والتعاون".

من جانبها، أبدت الإعلامية سهير جودة إعجابها الشديد بالفكرة، قائلة: "أنا منبهرة جدًا بالموضوع، وبصراحة إحنا كستات زهقنا من قعدات الكافيهات والنميمة وجمع الذنوب. لازم الوقت يتوظف في حاجة ليها قيمة وحقيقية".

وأكدت سهير أن مثل هذه المبادرات تساهم في اكتشاف المواهب وتنميتها، مشيرة إلى أن "أي حد عنده موهبة في أي مجال، إحنا بندعمه ونساعده يطورها من خلال التجمعات دي".