مفيدة شيحة وسهير جودة تتحدثان عن مخاطر الذكاء الاصطناعي

تحدثت الإعلامية مفيدة شيحة، عن الظاهرة المتزايدة لاستخدام الهواتف الذكية بين الكبار، قائلة: "إحنا ككبار مش بنسيب الموبايل، بس طبعًا مش زي الصغيرين، إحنا كمان بننزل ألعاب، وبشوف ناس كبار بيخلصوا شغلهم ويمسكوا الموبايل يلعبوا عليه ساعة أو اتنين وأكتر".

وردّت الإعلامية سهير جودة، خلال حديثها في برنامج "الستات" المذاع على قناة النهار، على كلام مفيدة ساخرة: "بيعملوا كده علشان مفيش حاجة تانية يعملوها"، في إشارة إلى الفراغ الذي قد يعيشه البعض بعد الانتهاء من التزاماتهم اليومية.
 

كما تطرقت مفيدة شيحة إلى موضوع الذكاء الاصطناعي، متسائلة: "يعني إيه AI؟"، وأجابت موضحة أن الذكاء الاصطناعي هو نظام مبرمج يستطيع الدخول إلى جميع السيرفرات والبحث عن المطلوب منه في أجزاء من الثانية، مضيفة: "يعني لما تسأله على لبس يليق ببعضه، بيروح يشوف كل الموجود عالميًا ويقارن، وده بيحصل في أقل من ثانية، فطبيعي يكون أذكى مننا، خلينا صريحين".

من جهتها، علّقت سهير جودة أن الذكاء الاصطناعي مفيد في جانب البحث، لكنها أبدت تحفظها على الاعتماد الكامل عليه، قائلة: "إحنا وصلنا في الموضوع ده لدرجة من العبث، لأنه في حاجات تانية هو مش دقيق فيها".