عمرو أديب عن فوز الأهلي: كالعادة شربناها سادة.. حسبي الله ونعم الوكيل!
أعرب الإعلامي عمرو أديب عن غضبه الشديد، من فوز النادي الأهلي في الدقائق الأخيرة أمام نادي البنك الأهلي، في مباراة شهدت جدلًا واسعًا حول الوقت بدل الضائع والطريقة التي حُسمت بها.
وقال عمرو أديب خلال حديثه في برنامج "الحكاية" المذاع على قناة mbcمصر: "حسبي الله ونعم الوكيل، اتحدى لو فيه أهلاوي كان متوقع إن الأهلي هيكسب، وفيه دقيقة زيادة فوق الوقت بدل الضائع علشان الأهلي يجيب الجول!".
وأردف مشيرًا إلى أن ما حدث يتجاوز نية الحكم، مضيفًا: "مش إن الحكم قاصد أو عاوز كده، لا ده الكون هو اللي عاوز كده، والبشرية كلها عاوزه كده".
وانتقد أداء الأهلي خلال المباراة، قائلاً: "الأهلي كان أسوأ فريق بيلعب النهارده، لعب سيئ جدًا، ونادي البنك الأهلي كان بيلعب بشرف وعزة وكرامة"، مشيرًا إلى أن نتيجة اللقاء لا تعكس مجريات المباراة.
وتابع بنبرة حادة: "انت عاوز تقولي إن الأهلي يستحق إنه يفوز النهاردة؟! والله أنا كنت بتفرج على الماتش وأنا واقف، وخلاص كان الماتش خلص والدنيا انتهت، وكنت هقول ألف مبروك والعدالة تحققت في الاستاد وكالعادة، شربناها سادة!".
واختتم عمرو أديب حديثه بتساؤل ساخر: "قولولي، فيه نادي في العالم بيجراله كده؟!".