لبلبة: بتمنى أشتغل مع الزعيم حتى لو مش همثل تاني بعد كدة!

أعربت الفنانة لبلبة عن أمنيتها القوية في التعاون مجددًا مع الزعيم عادل إمام، مؤكدة أن هذا الحلم يظل حاضرًا في قلبها، حتى وإن كان آخر أعمالها الفنية.

وقالت لبلبة خلال حوارها مع برنامج "سينماتك" المذاع على قناة SBC: "أنا بتمنى إني أعمل حاجة مع عادل إمام، حتى لو مش هشتغل بعدها حاجة تانية خالص، بس أعمل معاه حاجة حلوة، وأنا متعودتش أطلب منه أبدًا إني أشتغل، لكن هو لما بيعمل حاجة حلوة بيفتكرني ويقول: ده دور لبلبة".
 

وأضافت لبلة خلال حديثها، قائلة: "مين عارف؟ يمكن الأمنية تتحقق إن شاء الله".

وانتقدت لبلبة ما يتردد من شائعات عبر وسائل التواصل الاجتماعي بشأن الحالة الصحية لعادل إمام، قائلة: "أنا بزعل أوي من السوشيال ميديا، لأن ميصحش أبدًا إنهم يقولوا إنه تعبان، والإشاعات دي مش صح، هو مش تعبان، والفنان من حقه يستريح، خصوصًا إنه قدم أدوار كتير حلوة وأسعد بيها الناس. مش كل حاجة نطلع عليها إشاعات كده وخلاص".