طه دسوقي وعصام عمر يكشفان سر النجاح: الدعم والاستمرار أهم من الحظ!
أعرب الفنان طه دسوقي عن امتنانه لما يحققه من نجاحات خلال الفترة الأخيرة، مؤكدًا أن الحظ ليس هو العامل الأساسي في النجاح الفني، بل هو "كرم من ربنا"، حسب تعبيره.
وقال طه دسوقي، خلل حوار له عبر برنامج "سينماتك" المذاع على قناة SBC، ردًا على سؤال حول ما إذا كان يعتبر نفسه من جيل محظوظ: "الحمد لله، هو كرم من ربنا، وأنا مبعتبرش إن فيه جيل محظوظ وجيل لا، كل جيل عنده معطياته، وإحنا الحمد لله عندنا فرايتي كبيرة في جيل واحد، وعندنا كم مواهب مميز، وكمان الثقة اللي محطوطة فينا من شركات الإنتاج ومن الأساتذة الكبار اللي بيدعمونا ويساندونا في الأفلام والمسلسلات".
من جانبه، قال الفنان عصام عمر: "مش عارف إذا كنا محظوظين ولا لا، بس اللي أنا عارفه إننا بنشتغل، الموضوع مش إننا عملنا عمل أو عملين حلوين، لكن المهم نكمل ونشتغل على أعمال أحلى قدام، وربنا يساعدنا في اختياراتنا".