بسنت شوقي: نفسي أعمل حوار مع عمرو دياب.. وعايزة أعرف سر استمراره
كشفت الفنانة بسنت شوقي عن الشخصية التي تحلم بإجراء حوار معها في حال خاضت تجربة تقديم البرامج، مشيرة إلى أن الهضبة عمرو دياب سيكون أول ضيف ترغب في استضافته.
وقالت بسنت شوقي، خلال حديثها في برنامج "أسرار النجوم" المذاع على إذاعة نجوم إف إم: "لو أنا بقيت مذيعة، الضيف اللي هبقى نفسي أستضيفه وأعمل معاه حوار هو عمرو دياب، علشان بحس إنه بني آدم ذكي جدًا، والفكرة بتاعة الاستمرارية في النجاح دي هبقى عاوزة أسأله فيها".
وأضافت: "الناس بتروح وتيجي وتطلع وتنزل، وعمرو دياب مكمل زي ما هو، فأنا هكون عاوزة أعرف ده بيحصل إزاي"، معتبرة أن من عوامل الاستمرارية في النجاح المرونة، والتي تراها بسنت "من علامات الذكاء".
واختتمت حديثها قائلة: "الشخص الذكي لازم يكون متفتح وبيسمع وبيتعلم وبيسافر، ومش شايف نفسه كبير على حاجة، وكمان يعرف هو فين وبيحط نفسه إزاي ومع مين".