مجدي الهواري يشيد بـ "أشغال شقة 2": الناس دي اشتغلت بضمير

أشاد المخرج مجدي الهواري بالجزء الثاني من مسلسل أشغال شقة، مؤكدًا أن النجاح الذي حققه العمل لم يكن وليد الصدفة أو مجرد استغلال لنجاح الجزء الأول، بل نتيجة مجهود كبير وفكر مدروس من صنّاعه.

وقال مجدي الهواري، خلال حديثه في برنامج "البلدية بيضحك" المذاع على راديو 90.90: "أشغال شقة عجبني جدًا للسنة الثانية، وحرفنة شيرين دياب وخالد دياب مش بس في الكتابة، لكن في القرار، مكنش الموضوع (يلا نعمل جزء تاني وخلاص)، لكنهم قعدوا يدرسوا الأول إذا كان ينفع ولا مينفعش، وبعدين وافقوا، وده بيخليني أحترمهم أكتر".
 

وأضاف: "أنا مش بقول معلومة، دي مشاعري لأن لو أنا مكانهم، كنت هعمل كده. ده تخيلي لما الإنتاج عرض عليهم الجزء التاني، وأعتقد إنهم فكروا وتأملوا وسرحوا وتعبوا، قبل ما ياخدوا القرار، وده اللي بيخليهم يستحقوا النجاح".

واختتم مجدي الهواري حديثه قائلاً: "مش شرط إن الجزء الأول نجح، يبقى التاني هينجح تلقائي، لكن في حالة أشغال شقة، الناس دي اشتغلت بضمير، فشابو ليهم".