مجدي الهواري عن مسلسل "برستيج": الفن وُلد لكسر القواعد!
أكد المخرج مجدي الهواري أن الفن بطبيعته لا يخضع لقواعد ثابتة، بل يقوم على الإبداع وكسر التقاليد، موضحًا أن التجريب في الأعمال الفنية ليس عيبًا، بل ضرورة لتقديم ما هو جديد وخارج الصندوق.
وقال مجدي الهواري، خلال حديثه في برنامج "الراديو بيضحك" المذاع على راديو 90.90: "أنا وجهة نظري إن أحيانًا الواحد بيحب يخترع حاجة برا الصندوق، لكن لازم نفتكر إن الفن اتولد علشان يتكسر، ومفيش قاعدة ثابتة للفن، ولازم يكون فيه إبداع، ومهما درست في معهد السينما أو في أي مدرسة، أول فيلم هتخرجه هتكتشف إن كل اللي اتعلمته في الكتب بيتكسر قدام الكاميرا".
وأضاف: "الفن قائم على كسر القواعد لكن تحت روولز معينة، ولازم نحط معايير مشتركة مع المشاهد علشان يعيش معاك التجربة، ولو أنا كمخرج محسّتش الفيلم، اعرف إن الجمهور مش هيحس بيه، التجربة مش عيب، لكن في ثوابت لازم نحترمها في تناول الموضوع".
واختتم الهواري حديثه بالإشارة إلى مسلسل "برستيج"، قائلاً: "كنت بقول عن المسلسل إنه بيحكي عن رحلة البحث عن الجاني، لكن لو المشاهد فقد شغفه في منتصف الأحداث، هيسيب المسلسل ويروح يتفرج على ماتش متعاد، ويمكن يحس بشغف أكتر من متابعة المسلسل نفسه".