سمر طارق: ورشة التمثيل علّمتني كسر الخجل.. والوقوف بثقة على المسرح
كشفت المطربة سمر طارق عن حبها الكبير للتمثيل وسعيها الجاد لتطوير نفسها في مجال التمثيل، مؤكدة أنها خاضت تجربة التمثيل من قبل ودرست فنونه بشكل احترافي من خلال ورشة تدريبية استمرت لمدة عامين داخل دار الأوبرا المصرية.
وقالت سمر طارق خلال حديثها في برنامج ON Set، المذاع على قناة ON: "أنا بحب التمثيل، وجربت قبل كده أمثل ودرست واخدت ورشة سنتين في الأوبرا، صحيح أنا عندي البيزنس بتاعي، بس ده موضوع تاني خالص، ملوش علاقة بالمزيكا".
وأضافت: "وأنا بتعلم إزاي الأغنية بتتعمل، كنت كمان بتعلم إزاي أقف على المسرح. كل يوم لمدة سنتين كنت بروح من الساعة عشرة الصبح لحد ستة مساءً، بنتمرن تمثيل وحركة ووقفة وارتجال، وكانت ورشة متكاملة".
وأشارت سمر إلى أن مشاركتها في الورشة لم تكن بهدف التعلم فقط، بل كانت تسعى أيضاً للتغلب على بعض الجوانب الشخصية، موضحة: "ماكنتش رايحة أتعلم بس، أنا كان عندي نقطة مش راضية عنها، وهي إني خجولة وسوية، وبتوتر في مواقف معينة، بس طبعاً الحاجات دي اتكسرت، والمسرح هو اللي عالجلي الحتة دي".