مجدي الهواري: محمود حميدة معندوش عزيز.. و"ولاد الشمس" عمل استثنائي!‎

أعرب المخرج مجدي الهواري عن إعجابه الشديد بمسلسل "ولاد الشمس"، واصفًا إياه بـ"العمل العظيم"، مشيدًا بأداء أبطاله وعلى رأسهم الفنان الكبير محمود حميدة.

وقال مجدي الهواري، خلال حديثه في برنامج "الراديو بيضحك" المذاع على راديو 90.90: "أولاً، محمود حميدة فايق جداً في المسلسل ده، ومحمود حميدة رخم بمعنى أنه لو ما حبّش حد يوقعه حتى لو هو أفندينا، وهو ما عندوش عزيز فكون إن الوحش ده يساند الولاد دول، ده معناه إنهم فعلاً أقنعوه".
 

وأضاف: "أحمد مالك تفوق على نفسه، وهو مش جاي من السي كلاس، ولما عمل الدور ده حسّيت إن الفيديوهات اللي كان بينزلها على السوشيال ميديا وتيك توك كانت جزء من التحضير، وده طلع تدريب للدور، وده ذَكاء منه".

وعن الفنان طه سدوقس، قال مجدي الهواري: "طه ممثل عجبني جداً. لأنه مراحش في نفس شخصية أحمد مالك، وعمل شخصية تانية خالص، وفيه ممثلين كتير ممكن يقعوا في الكمين ده بس هو معرفش".