"مش شاغلين بالنا".. نسمة محجوب تطرح أحدث أغانيها

طرحت النجمة نسمة محجوب، أغنيتها الجديدة "مش شاغلين بالنا" - Video  Lyrics - على اليوتيوب، والمنصّات الموسيقية، ومواقع التواصل الاجتماعى، ومحطات الراديو.

الأغنية من كلمات محمد بحيرى، وألحان نسمة محجوب، وتوزيع موسيقى معتز ماضى، ومن وتوزيع شركة ديجيتال ساوند.

وتعيش الفنانة نسمة محجوب حالة من النشاط الفنى، حيث شاركت في مهرجان القلعة للموسيقى والغناء في دورته الـ32، بحفل غنائي رفع شعار «كامل العدد»، قدمت خلاله باقة من أغانيها الجديدة والقديمة منها «يا محروسة، والوقت يعدي، وخصوصا راجل»، كما حرصت على الغناء لفيروز، بالإضافة لتقديمها أَغَانٍ بلغات أجنبية.

وتقول كلمات "مش شاغلين بالنا":

مش شاغلين بالنا
غير بـ اللي يروق بالنا

ده إحنا الفرفشة تسألنا
الجو بيحلو إزاى 
نسهر براحتنا

نغني مفيش حاجة تسكتنا
نرقص نتمشى ونعمل دوشة
اللي يتكدر مش جاى
دا الانبساط والفرفشة كله اتمشى وبندرسه

لو الهوا مش ع الهوى بنقوم هوا ونرقصه

حتى الدلع سيبناه دلع ومرضيناش نخلصه

على وضعنا طول عمرنا والكل جنبنا خلصوا

حتى الدلع سيبناه دلع ومرضيناش نخلصه
على وضعنا طول عمرنا والكل جنبنا خلصوا
سايقين في دلعنا
مفيش حاجة ترجعنا
واللي يقولنا اشمعنى
بنعمل منقولش كلام
بنسهَّر ليلنا
الصبح بيطلع لما يجيلنا
دايسين لو فين رايحين جايين
صاحيين لو كله ينام
دا الانبساط والفرفشة كله اتمشى وبندرسه
لو الهوا مش ع الهوى بنقوم هوا ونرقصه
حتى الدلع سيبناه دلع ومرضيناش نخلصه
على وضعنا طول عمرنا والكل جنبنا خلصوا
هو احنا عشان ساكتين
فاكرينّا ما بنعيشهاش
لا ده إحنا عشان عايشين
رايقين ما بيشغلناش
عايشينها بجد
و مفيش فيها حد ما يعرفناش
دا الانبساط والفرفشة كله اتمشى وبندرسه
لو الهوا مش ع الهوى بنقوم هوا ونرقصه
حتى الدلع سيبناه دلع ومرضيناش نخلصه
على وضعنا طول عمرنا والكل جنبنا خلصوا
حتى الدلع سيبناه دلع ومرضيناش نخلصه
على وضعنا طول عمرنا والكل جنبنا خلصوا.