خالد الجندي: من يُلقي القمامة في الشوارع متخلف وبيئة ومش متربي
الأربعاء 10/أبريل/2019 - 07:04 م
أميرة عبد الهادي
هاجم الشيخ خالد الجندي، عضو المجلس الأعلى للشئون الإسلامية، من يقوموا بإلقاء القمامة في الشوارع، معقبًا: "أنا لما بشوف واحد محترم راكب عربية فارهة ويرمي علبة سجاير فاضية في الشارع، دا بيجنني، وبعرف أنه بيئة ومش متربي، وبيكون كل همي أن ألحقه علشان أهزقه، دول لازم يتربوا".
وطالب "الجندي"، خلال تقديمه برنامج "لعلهم يفقهون" على فضائية "dmc"، التحقيق مع أهالي أحياء البساتين والمعادي؛ لقيامهم بإلقاء القمامة على مطلع كوبري الدائري ناحية الأوتوستراد، مضيفا: "حاجة تجنن، سيدة تقوم بإفراغ صفيحة قمامة على مطلع الكوبري، شئ لايصدقه عقل، دول مش ممكن يكونوا بشر دول ناس من كوكب تاني متخلف، ولاينفع معهم وعظ، دول يتقطم رقبتهم بالقانون، لو عايزين البلد تنضف".
