حوار| السيناريست محمد سليمان عبد المالك: سعيد بالتعاون مع مي عز الدين ... ودينا الشربيني تستحق البطولة المطلقة
يعد الكاتب والسينارست محمد سليمان عبد المالك من أبرز الكتاب علي الساحة الفنية بنجاحه الكبير الذي حققه في العديد من الأعمال الذي قدمه للجمهور، ويشارك في الموسم الرمضاني الحالي بمسلسلين هما رسايل من بطولة النجمة مي عز الدين والنجم خالد سليم، ويعد المسلسل من أكثر المسلسلات تحقيق نجاحا كبير حتى الآن، ومسلسل مليكة للنجمة دينا الشربيني والنجم محمد شاهين والنجم الكبير مصطفي فهمي والذي حققت فيه "دينا" نجاحا ملحوظا في أول الأعمال التي تخوض بها أول بطولة مطلقة.
وكشف محمد سليمان عبد المالك، في حوار خاص لـ"وشوشة"،
عن كواليس تعاونه مع مي عز الدين ودينا الشربيني، وغيرها من التفاصيل.
هل أنت سعيد بالتعاون مع مي عز الدين؟
سعيد جدًا، هي ممثلة مريحة جدا في التعاون وشاطرة جدا، هي من النجوم
اللى مش متعبين ومش بيتدخلوا في أى حاجه إلا فى ما يخص عملها وشغلها، بتسأل لو
عندها حاجة وفي حالة من الحب والتفاهم نشأت، وثالث عمل
مع المخرج إبراهيم فخر في حالة عشق ووعد والمناخ كان جميل جدا وسعيد
جدا بالتعامل معها وأتمني تكرار التجربة معها.
حدثنا عن تعاونك مع المخرج إبراهيم فخر في "رسايل"؟
إبراهيم فخر كان سبب تعارفي به هو مسلسل رسايل، تعرفنا بعد مسلسل "اسم مؤقت"، وقال نفسي نتعاون مع بعض فأرسلت له نص رسايل في السنوات التي قبلها، وحب الموضوع جدا والحمد لله سعيد بتعاوني معه ومع الفنانة مي عز الدين ولولاهم مكانش رسايل شاف النور.
هل واجهت صعوبات في
تنفيذ مشروع "رسايل"؟
أنا ابتديت كتابته في 2010 وكنت خايف إن المسلسل ما يطلعش زى ما كنت عايز أقل من حلمى لأن الدراما سنة 2010 كان له شكل مختلف مكانش دخل فيها حاجات سينمائية، كنت أقوم بتأجيله كل سنة وكنت بعمل عمل آخر والوقت المناسب له هو هذا العام.
ما شعورك بتصدر رسايل قائمة الأكثر تداولا عبر مواقع التواصل الاجتماعي؟
أنا مش شاغل بالى بده، أنا يهمنى إن المسلسل لما يتعرض وتنزل الشارع إن الناس تتكلم عن المسلسل لأن التفاعل مع الشارع بيبقي أكبر وأحسن وأحلى، وهو ده النجاح الحقيقي، كويس أن يكون الأكثر تداولا بس مش هو ده النجاح الحقيقي.
هل كنت تتوقع النجاح الكبير لـ"رسايل ومليكة" علي الرغم من المنافسة
القوية في دراما هذا العام؟
الحقيقة ردود الأفعال فوق توقعاتى، وأنا كنت قلقان جدا عشان المنافسة شديدة جدا مع كبار النجوم وكده بس الحمد لله لأن العملين حققوا نجاحا كبيرا جدا لأن رسايل موضوع خاص جدا، كنت خايف من خصوصيته، هل هتوصل للناس وتتفاعل معاه ولا لا، والحمد لله ده حصل من تفاعل الناس معه بشكل كبير، أما مسلسل مليكة أول بطولة لدينا الشربينى، هل هتقبلها الناس كبطلة؟، وهل هتحب الموضوع؟، هل هتقبل عليه؟، والحمد لله المسلسلين نجحوا جدا.
هل تشعر بالسعادة بأول تعاون مع دينا الشربيني في "مليكة"؟
سعيد جدًا، وشايف أنها أثبتت نفسها، واستحقت بجدارة البطولة المطلقة لأنها مثلت دور صعب جدا وده يدل أنها ممثلة متمكنة وتستحق البطولة.
ما رأيك في ردود أفعال الجمهور حول مسلسل "مليكة"؟
الناس كلها عايزة تعرف هي إيه، ولا مليكة فيه حالة من الترقب، والناس بتسأل هما ليه معملوش تحليل الـdna، فيه تشويق كل حلقة وبناء درامي يقودك للنهاية لمعرفة مين هي فيهم.
هل تتعاون مع دينا الشربيني في أعمال أخري في المستقبل؟
أتمني ذلك، أنا شايف إنها ممثلة ممتازة، أنا أتمني وأكون سعيدا جدا لو ده اتكرر تاني.
ما تعليقك علي تشبيه
البعض لمسلسل مليكة بأعمال أخرى؟
ده شيء مستفز إلي حد ما لأنه مش معقول هتقول إن مليكة أو رسايل شبه أعمال أخري لأن الموسم كله بيدور حول الانتقام، أنت ممكن تعمل أي فكرة 10 مرات بطرق مختلفة مش معني كده إن كلهم واحد أو متكررين والمعالجة الجديدة لموضوع تم تناولها قبل كده ده فى حد ذاته إبداع وفن علشان كده أنا بطلت اسمع الكلام ده والعمل هو اللي هيتكلم وكمان أنا مش بحب إن أنت تبقي عارف نهاية مسلسل أو اللي هيحصل فى الحلقه الجاية لازم يكون فيه سؤال أو تشويق إن إيه هيحصل الحلقة الجاية ويبقي فيه نوع من التشويق علشان كده أنا مصنف ككاتب تشويقي.
هل انتهت دينا الشربيني من تصوير جميع العمل؟
يتبقي يومين تصوير لتنهي دينا من تصوير المسلسل.
أيهما تفضل عرض أعمالك التليفزيونية داخل أم خارج رمضان؟
مافيش مشكلة، بس المشكلة مع المنتجين أنهم خارج رمضان بيطلبوا المسلسل 60 حلقة، أنا بالنسبة لي 30 حلقة كتير جدا، أنا مش متخيل أكتب أكتر من 30 حلقة.
ما هى أعمالك القادمة؟
لسه لحد دلوقتي متكلمناش في أعمال أخري، ولكن أعتقد بعد رمضان تكون الدنيا ظهرت هحضر إيه بالضبط، ومن المحتمل عمل سينمائي.
