رسالة نشوى مصطفى لـ"الأسطورة" بعد شرائه لسيارتين فارهتين
الجمعة 22/يوليو/2016 - 09:31 م
فيصل عبد الغنى
حرصت الفنانة نشوى مصطفى، التعليق على خبر شراء الفنان محمد رمضان لسيارتين فارهتين وتحقيقه كل هذه النجومية بسرد تفاصيل جلسة جمعتهم سوياً فى بداية مشواره الفنى، مؤكدة أن ما وصل إليه حالياً هو إختبار من ربنا.
وكتبت "نشوى"، قائلة: "من اربع سنين اشتغلت مع محمد رمضان مسلسل اسمه الشركة وصادفت قعدنا سوا فى البريك، وكان الحوار بينا وماحدش يضحك أو يتريق أو يستخف دمه، على تفسير سورة العصر، محمد كان بيشرح لى تفسير سورة العصر أن الإنسان خاسر طالما مش حيلتزم بشروط عدم الخسارة وهى الإيمان زائد عمل الخير زائد الحكم بالحق والعدل زائد الصبر".
أضافت: كلامى فيه دلالة على نفسية محمد رمضان، اد أيه قربه من ربه، واعتقد اللي وصل له محمد مش بس شطارة ومش بس اجتهاد لاء اللي وصل له ده قرار إلهى، ليه باقول كده لآن الهرى واصل للمدى على موضوع العربيتين اللي اشتراهم، يا اسيادنا دى عطايا ربنا والله العظيم، والعطايا طاهرها رضا ومحبة وباطنها اختبار، وأنا واثقة إن محمد هينجح فى الاختبار لآنى أظن أنه ممن قال فيهم الله، (إلا الذين امنوا وعملوا الصالحات وتواصو بالحق وتواصو بالصبر)".
