أيتن عامر تتصدر قائمة الأكثر بحثا في "جوجل" بعد أزمة وزنها
تصدرت أيتن عامر مؤشر
البحث بموقع جوجل، وذلك بعد عرض حلقاتها مع الإعلامية مني الشاذلي ببرنامج معكم،
وتعرضها للهجوم من الجمهور، بسبب حديثها عن أزمة زيادة وزنها.
وقالت "عامر" عبر صفحتها الرسمية على
موقع التواصل الإجتماعي "فيسبوك": "أيوه فى مشاكل أهم وأعمق من المشكلة
بتاعتى اللى تناولتها النهاردة الأستاذة منى الشاذلى، ولكن خلينا نشوفها بشكل تانى،
ليه منقولش إن تجربتى دى ممكن تبقى حافز لناس كتير نفسها تخس و ظروفها المعنوية أو
المادية مش مساعداها خصوصا أن الدكتور وافق انه ينزل الأنظمة الغذائية كاملة دون أى
مقابل".
وأضافت، "ليه منقولش إن دى تجربة فعلية تخلى
الناس اللى بيتضحك عليها باسم عمليات التكميم وتحويل المسار وبيبقى عندهم استعداد يبيعوا
دهبهم ويعملوا جمعيات عشان يعملوا العملية مع إن من الممكن منضرش صحتنا و نخش أوض عمليات
ونعمل دايت وتخس ومنتكلفش كل الفلوس دى"، مؤكدة: "ليه الحلقة دى متكونش بتهون
على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها
كدة وانى كممثلة لا أتميز عنها بشيء سوى الإرادة وأشجعها تبدأ معايا".
