لـ"محطم خط بارليف" البطل باقي زكي يوسف
الأحد 24/يونيو/2018 - 01:08 م
حسين جعفر
تحية للجندي الشريف
الصامد الحر العفيف
العارف ان الله معاه
وبعلمه بيسدد خطاه
كان ع الحدود
أو ع الرصيف
تحية للجندي الشريف
تحية للجندي اللي شال شعبه ف عنيه
وعالم إن الشعب ده شقيان عليه
دافعلُه كل مرتبه من كل عرقه ومكسبه
وإن اللي قالو غير كدا بيكدبو
ومصر دينه ومذهبه
ده مذهب الحر العفيف
تحية للجندي الشريف
تحية للبطل اللي حيا الأرض والعرض بإيديه
وبعقله وبقلبه وبروحه اللي فينا واللي فيه
ولما نحلم بنلاقيه
ولما نعلم بنلاقيه
ولما تطلع مصر بتشاور عليه
شوفو داهُه الحر العفيف
وتحية للجندى الشريف
