راندا البحيرى تكشف تفاصيل عملية النصب التى تعرضت لها!
الأربعاء 26/يوليو/2017 - 07:52 م
سلمى عبدالعزيز
كشفت الفنانة راندا البحيرى عن تعرضها لعملية نصب من إحدى الشركات، ونشرت القصة كاملة من خلال حسابها الشخصى على موقع التواصل الاجتماعى فيس بوك.
وكتبت راندا قائلة: "المعادي ڤيو الشروق عملوا من فتره قصيره event كبير جدا وطلبوا من جنات إنها تحيي الحفلة و إني اكون موجوده كضيفة شرف للحفلة، و أكيد فيه مقابل مادي لده".
وأضافت: "أنا سبت شغلي و كان سفر وقطعت السفر ده و نزلت أعمل لهم دعاية لمنتجهم و فهمت كويس عن المشروع و اتكلمت عنه في أكتر من محطه تليفزيونية و استغلوني في جميع دعاياتهم و استغلوا وجودي و اسمي و بعد ما الشغل خلص اختفوا و مدوليش حقي المتفق عليه".
وتابعت: "عايزة أعرف.. هل الوسيط اللي بيني و بينهم هو السبب و هو اللي نصب عليّ ولا هم شخصيا لأنهم لو عملوا حركة زي كدة و نصبوا علي ممثلة ليها اسمها يبقي هيعملوا إيه في البني آدمين اللي اشتروا و اللي هيسلموهم شققهم المفروض؟.. عموما أنا منزلة البوست ده علشان عايزة أعرف هل الوسيط هو اللي سرقني و لا هم شخصيا و مستنية رد منهم لأن مفيش حد فيهم بيرد علي تليفونه.. و إن شاء الله خير".