قواعد الجيم الأربعين يجب إتباعها عشان نقولك "عاش ياوحش"

النهارده هنعرفك "ياوحش"، كيف تحصل على فورمة عالية فقط من خلال 40 قاعدة يجب إتباعهم، وبعدها هنقولك "عاش".
1 - مفيش فورمة طبيبعى كامله فى 4 شهور ده ضرب حقن.
2 - ماتثقش فى اى حد بيحط "جيل" و هو رايح التمرين.
3 - الجيم و الwahtsapp زى "مكتب الإرشاد" و "المجلس العسكرى" ماينفعش يجتمعوا فى مكان واحد.
4 - لو هتساعد واحد من أول عدة و تشيله الدمبل و تنزلهوله، ده مش محتاجك، ده محتاج فليبينية.
5 - الجوانتى ده تلبسة لو انت "جون" أو بنت مابتسلمش على ولاد، ملوش اى علاقة بالجيم.
6 - لو الجيم فى بنات، لازم تبقى فاهم أن الـ"Treadmill" ديه "ليلة الحنة" ماينفعش ولد يخش يلعب عليها، بنات بس.
7 - لو حد قال كلمة "عاش" أكتر من 4 مرات، علم عليه ده لسه جديد.
8 - الفنلة "الكت" ماتلبسهاش غير بعد 18 شهر قبل كده انت برص بلدى.
9 - لو اتمزقت انت ماتحسدتش، انت بتلعب غلط.
10 - لو بتلعب بقالك 6 شهور وواحد قلك "انت خاسس ليه هو انت مبطل"، ماتردش عليه اقتله.
11 - لو بتلعب بنش اقل من 100 كيلوا ملكش اى حقوق فى الجيم.
12 - فورمة الساحل بتنبدى من شهر 5, لو روحت بعد كده صيّف فى "الفيوم" او "فايد".
13 - لو وزنك 70 كيلو و بتعمل "ديت"، انت بتعمل فورمة لاعب "بالية ايقاعى".
14 - علبة التونة جزء من شخصيتك.
15 - اشترى كتاب "كيف تبقى فورمة فى 24 ساعة" و ارميه و خش اتمرن.
16 - رسمياً لقب "وحش" بتاخده بعد أول جهاز تقفله.
17 - اللى بيلعب الجهاز بالعكس ده محدث نعمة ولو روحت بيته هتلاقية حاطط نجفة فى الحمام.
أما من رقم 18 إلى 39: اتمرن و ملكش دعوه بفرومة "لازار انجيلوف" ده مش انسان.
40 - اللى بيلعب الكتاف مع الرجلين، دول اللى قالوا "نعم" للدستور مش فاهمين اى حاجة.