بعد إهانة أمال رمزي.. ابنة سعيد صالح: جمهوره رد غيبته

أثارت تصريحات الفنانة أمال رمزي، عن الفنان الراحل سعيد صالح جدلاً كبيراً بين جمهوره، والبعض عبر عن استياءه لوصفها للفنان الراحل بشكل وصفوه بالغير محترم حيث أنها من خلال استضافتها في برنامج "تفاصيل" قالت: "سعيد صالح كان بيقول ألفاظ مينفعش تتقال قدام ستات محترمات وهزاره مش حلو، عكس عادل إمام كان محترم وذوق جداً واتجوز من ست محترمة، شتان بين ده وده".

وأضافت آمال رمزي: "عادل إمام كان بيشتغل بجد لكن سعيد صالح كان بيروح يسهر ويكركر مع إنه كوميديان كبير".

وهو ما جعل ابنة الفنان الراحل ترد على إساءة أمال رمزي وكتبت على صفحتها على الفيسبوك" أنا بحمد ربنا إني بنت راجل محبوب من جمهور أغلبه ماشافوهوش وجهًا لوجه ولا حتى عاصروه، وكل اللي بينهم وبينه ضحكة رسمها على وشوشهم في يوم من الأيام، الجمهور ده ردها لبابا في ردهم على حضرتك، بشكرهم من كل قلبي وإن شاء الله يكون ربنا سخرهم للدعاء لبابا، هم ردوا غيبة متوفي قبل ما يردوا غيبة فنان بيحبوه، بس أنا لسه ماردتش".