رئيس مجلس الإدارة
محمود إسماعيل
رئيس التحرير
عمرو صحصاح
رئيس مجلس الإدارة
محمود إسماعيل
وشوشة
رئيس التحرير
عمرو صحصاح

عفاف شعيب لـ"وشوشة": محمد رمضان بيعمل خير كتير بس مينفعش يقول على نفسه نمبر وان

عفاف شعيب و عمرو
عفاف شعيب و عمرو صحصاح

حلت الفنانة الكبيرة عفاف شعيب، ضيفة في ندوة فنّية بموقع "وشوشة"، بحضور رئيس التحرير عمرو صحصاح، وكشفت رأيها في تصرفات الفنان محمد رمضان وسر إطلاق لقب نمبر وان على نفسه.

وقالت عفاف شعيب في تصريح خاص لـ"وشوشة": هو شايف نفسه نمبر وان، حلو لأن كل واحد شايف نفسه كدة، بس لو هنقول نمبر وان يبقى عادل إمام أو فريد شوقي أو أحمد رمزي وشكري سرحان وكريم عبدالعزيز دة ممثل عنده حضور وكاريزما.

وأضافت: محمد رمضان ممثل موهوب وكويس، بس ليه هو اللي يقول على نفسه نمبر وان، لا إحنا اللي نقول، وبعدين أنت ربنا إدالك كتير يا محمد وأما بنعمة ربك فحدث.

وتابعت: عندنا ناس كتير نمبر وان زي كريم عبدالعزيز والسقا وأحمد رزق وأحمد عز، كتير موجودين ليه نقلل منهم؟، مينفعش أطلع أقول أنا نمبر وان وأحسن حد في مصر.

وأردفت: رمضان بيعمل خير كتير وعزمته حفلات أيتام واتبرعلهم الصراحة، وهو إنسان كويس جدًا، واللي يعمل خير مش لازم يعلنه ويقول عنه.

وكانت آخر أعمال عفاف مسلسل محارب، والذي عُرض في شهر رمضان المنصرم، وتدور أحداثه في إطار اجتماعى تشويقى حول الشاب عزيز القادم من الصعيد، ويعيش مع أسرته فى القاهرة وتتغير حياته بعد وفاة والده، إذ يضطر للعمل لإعالة أسرته حتى يكتشف سرًا كبيرًا يغير مسار حياته.

مسلسل محارب من تأليف محمد سيد بشير وإخراج شيرين عادل وإنتاج أحمد السبكي، وبطولة حسن الرداد، وعدد كبير من الفنانين منهم: أحمد زاهر وماجد المصري وناهد السباعي ونرمين الفقي ومنة فضالي وعابد عناني وعفاف شعيب.

تم نسخ الرابط