شردى: رمضان صبحى بيدور على الفلوس
الجمعة 14/أغسطس/2020 - 10:25 ص
أميرة عبد الهادي
علّق الإعلامي محمد مصطفى شردي، على انتقال اللاعب المصري رمضان صبحي، من النادى الأهلى إلى نادي بيراميدز.
وقال خلال تقديمه برنامج "الحياة اليوم" المذاع عبر فضائية "الحياة": "رمضان صبحي بيدور على فلوس.. من الآخر، مش المسألة بيع وشراء وبكام.. الراجل بروفيشنال ومعاه الكارت بتاعه وبيشوف الأنسب له".
وتابع: "أنا راجل زملكاوي، مش أهلاوي وعمري ما هكون أهلاوي، لكن الأهلي من أفضل الأندية إداريًا في العالم كله، ولا يستطيع أحد أن ينكر أبدًا أن النادي الأهلي نادي محترم بإدارة محترمة وقدرات محترمة، فلما تعمل يا رمضان صبحي ما فعلته وتتلاعب بالنادي الذي صنعك كل هذه الفترة وتنتقل إلى بيراميدز عشان أسباب غير حقيقية ف غير مقبول، والقضية معاك قضية فلوس".
ووجه رسالة لمشجعي الأهلي الذين هاجموا رمضان صبحي قائلًا: "لو سمحتوا ده راجل وراح لحاله، مش عايزين كلام كتير، ونعمل تريند، هو راح عشان الفلوس، والموضوع تم حسمه".
