"عملت كبدة وسجق".. محمد أنور بمريلة المطبخ: "الأمهات بتتعب بجد"
الخميس 02/أبريل/2020 - 11:08 م
أميرة عبد الهادي
ظهر الفنان محمد أنور، في مداخلة عبر "سكايب" ببرنامج "الحياة اليوم"، الذى يقدمه الإعلامى حسام حداد، على فضائية "الحياة"، مرتدياً "مريلة المطبخ"، مشيراً إلى أنه يقضى وقت الحظر في المطبخ، وقام بإعداد "كبدة وسجق".
وقال "أنور" خلال الفيديو: "نتمنى الناس تلتزم الفترة دى ونخرج بجد ونجيب ناس تصلح الحاجات اللى باظت في البيت من الكهرباء والسباكة"، متابعًا: "أنا أصلا إنسان بيتوتى ومش بخرج كتير وكنت كل حاجة بعملها مع مراتى سواء سفر أو خروج".
وتابع: " بالنسبالى بنتى سنة و8 شهور كنت بشوفها خفيف وبستحملها وهى بتعيط لكن دلوقتى بتقعد معايا 24 ساعة هي مش فاهمة إننا في حظر وعاوزة تخرج"، مردفا: "الأمهات بتتعب تعب بتشيل العيل وتغسل المواعين وتكنس وبنيجى أخر النهار ونتأمر".
وعن دوره في مسلسل "قوت القلوب"، أعرب أنور عن سعادته بعمله مع الفنانة ماجدة زكى والمخرج مجدى أبو عميرة، حيث دوره شخصية رومانسية وطيبة وأنه دور مختلف، متابعًا: "مسلسل جه في توقيت الناس كلها قاعدة في البيت، وبتكون أفضل من رمضان لأنه بيكون فيه مسلسلات كتير ومنافسة وبيتفرق المشاهدين بينهم"، مضيفاً أنه بجهز لمسلسل بعد رمضان اسمه "إسعاف يونس".
