بالفيديو.. هكذا تحدث محمد منير عن أغاني المهرجانات
الثلاثاء 18/فبراير/2020 - 05:20 م
هايدي عبد الرافع
تحدث الفنان محمد منير، عن أغاني المهرجانات التي انتشرتت بشكل كبير في الفترة الأخيرة، قائلًا: "أنا النهاردة بسمع أغاني، فاضية من جوه، لكن مفيهاش حاجة، وربنا بحكمته في مصر بالذات، كل قرن من الزمن، بتحصل الحالة اللي إحنا فيها دي، حالة الإفلاس الفني، حالة الهبوط الفني".
وأضاف "الكينج": "أكيد الغناء اللي كان سنة 1918 كان هو بالشكل زي بتاع النهاردة، لكن ربنا عمره ما بيسب مصر لا تنهض بالغناء، علشان كده، أنا ما اخترتش حاجة أجمل من أن أنا أغني".
وتابع "الكينج" محمد منير، حديثه عن الفن، قائلًا: "الغناء شيء صنعه ربنا، صنعه في النجفة الجميلة اللي أنت بتشوف السحب فيها، صنعه في خرير الميّة، صنعه في صوت الموج، صنعه في ضحكتنا، فملخص كل ده الغناء، عشان كده أنا مخترتش حاجة أجمل من الغناء علشان أقدر أحب نفسي وأقدر أستمر في الحياة".
واختتم "الكينج" محمد منير، حديثه عن الفن، مؤكدًا، أن لا أحد يستطيع يعيش بدون غناء، وكل ذلك الحديث جاء في أولى حلقات برنامج "سر الكينج"، الذي يحاوره فيه الكاتب عمر طاهر، ويذاع عبر قناته الرسمية على موقع "يوتيوب"، الساعة السابعة مساءً يوم الاثنين والخميس.
