بالفيديو.. ريم البارودى تدخل فى نوبة بكاء بسبب ميرنا المهندس
الثلاثاء 14/يناير/2020 - 04:29 م
جهاد محمود
دخلت الفنانة ريم البارودى، فى نوبة بكاء على الهواء، بسبب تذكر صديقتها الفنانة الراحلة ميرنا المهندس، مؤكدة أنها كانت صديقتها لكن حصل بعض الخلافات بينهما لفترة، مؤكدة أنها ندمت على هذه الفترة التى حصلت القطيعة بينهما.
وقالت ريم، خلال لقائها مع الإعلامى عمرو الليثى ببرنامج وواحد من الناس : "أقول لميرنا وحشتينى أوى، كنا أصحاب جدا لدرجة ان الناس قالولى إنى شبهها أوى، كانت مسميانى الصاحبة الفاتح للشهية بسبب الضحك والهزار والأكل".
وكشفت ريم: "قبل وفاتها بسنة كان فى خلافات ما بينا وقبل ما تموت طلبت انها تشوفنى، وكنت فى بيروت مع أحمد سعد، بصور برنامج، وبعدين كلمنى أمير شاهين، صديق مشترك بينى وبينها وقالى إنها تعبانة جدا، قولتله لأ مش عاوزه أشوفها، قالى ازاى، قول له لأ بردو"، بعدها كلمنى عمر المهندس أخوها بس كان الزعل مش مخلينى مستوعبة، ونزلنا من بيروت عليها فى المستشفى وقعدت أخر 4 أو 5 يام قبل موتها".
وأضافت ريم: "ندمت على كلام وزعل على الفاضى، علاقتنا كانت أكبر إننا نزعل من بعض، لحد دلوقتى بروح أزور قبرها وأدعيلها".
