بعد عرض فيلم وثائقى عن والده.. تعرف على سر بكاء محمد محمود عبد العزيز!

و علق قائلاً: " أنا مش مضطر أجامل او أقول كلام مش حقيقى أنا فعلا بابكى من نص الفيلم الوثائقى إللى إتعمل عن والدى من إنتاج قنوات الحياه cbc-dmc-on e و اللى إتذاع دلوقتى و لأول مره على dmc دراما و إللى والله العظيم شوفته لأول مره زيى زى حضراتكم، فى حد من إحدى القنوات طلب منى صور خاصه و حصريه لوالدى فعلاً، و عملت كده بالفعل، لكن لم أكن اتوقع فيلماً وثائقياً.. مش عارف إيه هو سبب دموعى، هل هى نتيجة إشتياقى الدائم لوالدى؟ ام من ألم الفراق الذى هو واقع لا نستطيع تغييره؟ ام لفخرى الشديد و الدائم بوالدى و الذى اضع اسمه دائما تاج على رأسى و أفعل و سوف أفعل دائماً كل ما فى وسعى للحفاظ عليه حتى القاه؟؟؟"

و تابع: " بجد مش عارف... شكرا لكل من إشترك او ساهم فى خروج هذا الفيلم الى النور... شكرا لكل الساده القائمين على القنوات التى اهتمت بإنتاج هذا الفيلم، قنوات الحياه-cbc-dmc-on e.. شكرا المونتير: الأستاذ حماده صادق..شكرا مدير إدارة المونتاج: الأستاذ مصطفى الملاح... شكرا للمعدين: الأستاذ ماجد محمود و الأستاذ تميم عزمى و الأستاذ أحمد ممدوح... شكرا للتعليق الصوتى و الإشراف العام الأستاذ يسرى الفخرانى".

و اختتم: " آسف لعدم إستطاعتى ذكر اسماء كل من شارك فى هذا الفيلم و لكن هى الاسماء التى استطعت ان اراها من بين دموعى... (اسألكم الفاتحه و الدعاء لابويا و لكل من رحلوا عنا).