روجينا: أشرف زكى عمرة ما فرق بين كبير وصغير

وجهت الفنانة روجينا رسالة لزوجها الفنان أشرف زكي، نقيب المهن التمثيلية، وذلك من خلال حسابها الرسمي بموقع "إنستجرام"، بعد موفقه الإنسانى فى جنازة الفنان الراحل هيثم أحمد زكى.

وقالت روجينا: "ما أنا كنت صغيرة ومش فاهمة وبحبة وانانية وعايزاة جنبى باستمرار وكانت كل مشكلنا اول الجواز انت بتفضل النقابة عليا يعنى ممكن يلغى معاد مهم ليا عشان رايح مستشفى أو بيحل مشكلة فى تصوير أو فية واجب عزاء لغاية ما ربنا حب يعلمنى أو يادبنى أويربينى ما هو تربيته اعظم تربية فيحصلى حادثة موت واقعد فى المستشفى اربعين يوم ماهونش عليا غير أهلى والناس وزميلى ووقفهم جنبى مكنش فية حاجة اسمها وقت زيارة الناس على طول موجودة والله على جبر الخاطر والناس بتطبط عليك وانت فى اشد الاحتياج".

واستكملت:" الناس دى ماكنش بتجيلي أنا، كانت بتيجى لأشرف لأنها كانت بترد اللى بيعمله معاهم لأن هو كل سعادته فى الدنيا وهو بيساعد حد، وهو واقف جنب حد وهو بيواسي حد، وهو بيحل مشكلة لحد".

وأضافت روجينا: "عمرة ما فرق بين كبير وصغير، ومن ساعة الدرس دا اتعلمت أنوا فيه حد فى الدنيا يبقى هو الأمان والسند هو دا اللي هكلمه أول ما يحصلى حاجة دا، نقيبي أشرف ذكي واتعلمت كمان، إن اللي بيعملوا أشرف جوزي هيترد ليا أنا وبناتك وهيبقى فى ميزان حسناتك، هعيش أنا وبناتك فخورين بيك ياحبيبى ربنا يحفظك لنا ويديك الصحة وطولة العمر".