فيلم جديد يجمع شريف عرفة و أكرم حسني

و نشر أكرم صورة تجمعه عبر حسابة الرسمي و علق عليها قائلا: "سنة ١٩٩٢ كنت طالب في سنة اولي كلية الشرطة و كان في فترة التدريب الاساسي ( ٤٥ يوم مابنخرجش من الكلية ) مخصصين يوم في الاسبوع بعد انتهاء زيارة الاهالي للطلبة لمشاهدة فيلم سينمائي في احد مدرجات الكلية للترفيه عن الطلبة ، و طبعا ده كان جايلي عالطبطاب لاني بحب السينما من صغري .. اول يوم عرض كان فيلم " الارهاب و الكباب " "اخراج الاستاذ الكبير / شريف عرفه و عمري ما هانسي الخطفة اللي اتخطفتها يومها من الفيلم و تأثيره عليا و ازاي قدر الاستاذ شريف كمخرج عبقري انه يوصل لي الاحساس ده و الانبهار ده بكل عناصر الفيلم". 

وتابع: "و من وقتها بدأت اركز مع السينما و اتناولها بمفهوم تاني ، و طبعا كان من رابع المستحيلات وقتها اني اتخيل اي شئ ممكن يربطني بهذا المخرج العبقري ( اصل ايه اللي هايربط ظابط بمخرج غير اني اشوفه في لجنة او كمين و اعبرله عن اعجابي بيه !! )"

وأضاف: "النهاردة بعد مرور ٢٧ سنة من الحكاية دي و بعد مشوار طويل من التحديات و المجهود احب ابلغكم و انا كلي شرف و فخر اني وقعت فيلم من اخراج الاستاذ الكبير / شريف عرفه لسنة ٢٠٢٠ .. دعواتكم اني اكون قد المسئولية".

ويشار إلى أن أكرم حسني يواصل حاليا تصوير فيلم "الأوضة الضلمة الصغيرة"، يشارك في \بطولته النجموم خالد الصاوي و اللبنانية نور وبيومي وكريم عفيفي فؤاد بالإضافة إلى عدد من ضيوف الشرف.