كريم فهمي يكشف عن موعد عرض "ديدو"
السبت 22/يونيو/2019 - 01:46 م
علياء أحمد
كشف الفنان كريم فهمي في تصريح خاص لـ"وشوشة" عن موعد عرض فيلم "ديدو"، قائلا، إنه سيعرض خلال نصف العام، وأن هذا الفيلم أول تعاون بينه و بين المخرج عمرو صلاح.
وقال "فهمي" عن التعاون مع المخرج عمرو صلاح: " إحنا أصحاب من زمان بس أول مرة نتعامل مع بعض و هو كان ليه تجربة قبل كده مع شيكو و هشام في فيلم "قلب أمه"، و الفيلم عجبني جداً" .
وتابع: "عمرو من المخرجين اللي فاهمين جدا في الورق و النقاش كان بيننا على الورق مفيد لحد ما خرجنا بالنسخة الأخيرة للفيلم، وهو مجتهد و قبل ما يكون مخرج هو مونتير شاطر و فاهم في الإيقاع و متجدد الجرافيك و الفيلم ٩٠٪ منه معتمد على الجرافيك، فهو مذاكر كويس جدا و مجتهد و بيشتغل على كل التفاصيل في الفيلم و أنا مرتاح في الشغل معه، و إن شاء الله نطلع نتيجة حلوة".
فيلم " ديدو"، من بطولة، كريم فهمي، بيومي فؤاد، حمدى الميرغنى، وأحمد فتحى، ومحمد ثروت، وبيومى فؤاد، وريم مصطفى، إخراج عمرو صلاح، و تأليف كريم فهمي.