نورهان: غيرت جلدى فى "علامة استفهام"
الجمعة 14/يونيو/2019 - 09:06 م
كريمة محمود
شاركت الفنانة نورهان في الموسم الرمضاني الماضي بشخصية" همت" فى مسلسل" علامة استفهام" وحققت من خلاله تغييرا كبيرا في نوعية الشخصيات التي كانت تقدمها.
قالت "نورهان" في تصريح خاص لـ"وشوشة": "الحمد لله ردود الأفعال جميلة جدا عن دوري في مسلسل علامة استفهام لأن الناس مكنتش متوقعاني في أي حاجة شريرة وهو كان مقصود في أحداث العمل إنه يبان دكتورة همت متآمرة وشريرة لكن اتضح بالنهاية إني مش شريرة خالص الوحيد اللي كان شرير هو محمد رجب".
وأضافت: "كنت في شرم الشيخ وكان في راجل بيسوق المركب قالي يا أستاذة أنا مصدوم في حضرتك ليه غيرتي الطريق اللي كنتي ماشية عليه طول عمرك كنتي طيبة، قلتله حضرتك ده تمثيل، قالي بس أدائك كان مقنع جدا لدرجة إني صدقت إنك شريرة، قلتله شوف آخر حلقة بقى، راجل بسيط جدا وجميل".
وعن السبب الرئيسي في تغيير جلدها قالت: "المخرج سميح النقاش له فضل كبير في التغيير اللي أنا عملته لأني غيرت جلدي تماما".
جدير بالذكر، أن مسلسل "علامة استفهام"، بطولة: محمد رجب، هيثم أحمد زكي، نورهان، ميريهان حسين، عبد الرحمن أبو زهرة، تأليف إسلام حافظ، ومن إخراج سميح النقاش.
