من نحن|خريطة الموقع|للاعلان
موقع الفن الأول في مصر
menuالرئيسية

مها أحمد تروي حكايتها مع السحر

الخميس 23/مايو/2019 - 09:17 م
مها أحمد
مها أحمد
منار بدر الدين
 
كشفت الفنانة مها أحمد، عن أنها تنتمى لبرج السرطان، ومن صفاته العصبية الشديدة.

وروت الفنانة مها أحمد، خلال لقاءها ببرنامج "السرداب" المذاع عبر قناة المحور، مع الإعلامية رشا الخطيب، حكاية لها تتعلق بالسحر والشعوذة، وقالت "جات علينا فترة ومكنش فيه شغل وكنت مضايقة جدا وعاوزه أشتغل وقلت لواحدة صاحبتى إنه مفيش شغل وحكيت لها همى وقالتلى بصى أنا هنصحك نصيحة.. هديكى ورقة داخل فيها آيات قرآنية وحاجات غريبة شوية تخليها عندك، على الرغم إن أنا مش بعترف بالحاجات دى بس صاحبتى كانت حد موثوق منه".

وأضافت: "قرأت الكلام فى الورقة وكانت فيها كلام غريب، ولقيت الدنيا عماله تقفل أكتر وأكتر، ومجدى جوزى بيخاف من الحاجات دى ولما قلتله قالى هاتى بسرعة واحريقها ورحت أحرقها على البوتوجاز، الورق بقى لونه فضى وحاجة زى الرماد كده، وفى نفس اليوم ده كان مجدى نازل وأنا كنت رايحه مشوار، وفى نفس اليوم العربية وقفت بيا وولعت والناس طفوها، وفى نفس التوقيت مراية العربية بتاعة مجدى اتكسرت بشكل غريب".

واستكملت: "اتفقنا أنا ومجدى نتقابل فى البيت، وبعد كده كان عندنا فرح مدير إنتاج ورحنا الفرح بنفس العربية بتاعتى، وركنا العربية جنب العربيات اللى مركونة قدام القاعة، ولما خلص الفرح لقينا الـ4 فرد نايمة وفيهم كلهم مسامير، والموقف كان غريب جدا الصراحة".
تعليقات Facebook تعليقات وشوشة



ads

ads




ads






وشوشة على فيسبوك




ads



ads