"خدوا بالكم من أحمد".. سمية الخشاب تبكي على الهواء في برنامج "شيخ الحارة"
الخميس 16/مايو/2019 - 10:20 م
أميرة عبد الهادي
علقت الفنانة سمية الخشاب على صورة طليقها المطرب أحمد سعد، في فقرة "صورة وتعليق" ببرنامج "شيخ الحارة"، قائلة:"هو أنت طالع لي في أول البرنامج وآخره".
وقالت "الخشاب"، خلال الجزء الثاني من حلقتها مع الإعلامية بسمة وهبة "أنت اللي جبته لنفسك، هو اللي اضطرني أطلع وأقول كده، ومكنتش أتمنى ده".
وأضافت "خليه ماشي ورا كلام اللي حواليه، أنت مشفتش خير غير على إيدي، إيه التفاهات اللي بيقولها دي، شكرًا يا أستاذ أحمد".
وعن احتمالية الرجوع لأحمد سعد، أبدت الفنانة انزعاجها من مجرد التفكير في الرجوع له عقب الانفصال، مؤكدة: "أنا سامحت في الدم وهو مقدرش ده.. مبقاش يقدر يفرق بين اللي بيحبه واللي بيشتغله، أنا سيبت عمري كله عشانه واعتبرته ابني الصغير".
وبكت قائلة: "إيه القسوة دي؟ هوا اللي بيعمل كده إنسان؟، أنا كنت داخلة العمليات وبقول للناس خدوا بالكم من أحمد، ماما مش مسمحاك وحسبي الله ونعم الوكيل".
