بالفيديو.. شريف مدكور: "مش بتعالج على نفقة الدولة"
السبت 11/مايو/2019 - 01:14 م
جهاد محمود
نفي الإعلامي شريف مدكور، علاجه على نفقة الدولة بعد إن أجرى جراحة لإزالة ورم بالقولون بمستشفى "دار الشفاء" الحكومى ونشر مقطع عبر حسابة الشخصي بموقع التواصل الاجتماعى "فيسبوك" ليرد على سيدة طالبت بعلاج نجلها من مرض سرطان العظام على غرار شريف مدكور.
وأكد مدكور في سيدة مصرية محترمة جدا بتدعي لي بالشفاء وابنها عنده كانسر في العظام وربنا يشفيه وهي بتقول زي ما شريف بيتعالج على نفقة الدولة ابنها كمان عايزاه يتعالج على نفقة الدولة وأنا مش بتعالج على نفقة الدولة ومباخدش أي حاجة على حساب الدولة ومش معنى اني في مستشفى حكومي اني أبقى بتعالج على نفقة الدولة حضرتك.
وأضاف أنا بتعالج على حسابي الخاص في مستشفي حكومي فيه قسم استثماري ودافع فلوس زي اللي بتدفع في المستشفيات الخاصة فأنا حضرتك يا فندم مش بتعالج على نفقة الدولة ومفيش أي حاجة في حياتي بعملها على نفقة الدولة حتى البنزين اللي بحطه في عربيتي انا ممكن أحط 92 وبختار بنزين 95 عشان مبقاش بستخدم حاجة مش من حقي والضرايب بدفعها في معادها.
واختم مدكور كلمته قائلآ :مفيش أي حاجة بعملها بمحسوبية أو بالواسطة النقطة التانية اللي عايز حضرتك تعرفيها أن وزيرة الصحة مجتش مخصوص لكن كانت جاية المستشفي في زيارة بتفتتح دور في المستشفى وعرفت إن أنا موجود وقالت أنا عايزة أسلم عليه وكانت في نفس الدور أنا مش بتعالج على نفقة الدولة ولا الوزيرة جاتلي مخصوص وأنا أختارت المستشفى عشان الدكتور.
