مي عمر: دوري في "ولد الغلابة مختلف.. وتوجه رسالة خاصة لـ"السقا وسامي"
أعلنت الفنانة مي عمر أنها انتهت من تصوير مسلسلها الجديد "ولد الغلابة"،
و التي تشارك في بطولته مع الفنان أحمد السقا، و قد وجهت رسالة لفريق العمل من خلال
حسابها الشخصي على موقع تبادل الصور "انستجرام".
وقالت "عمر" معلقة على صورتها برفقة زوجها والسقا " كل سنه وانتوا
طيبين الحمد الله فركش مسلسل ولد الغلابة، بكرة إن شاء الله عرض أولي حلقات المسلسل
علي أم بي سي مصر.. هتشفوني في دور فرح، دور مختلف تماما عن أي حاجه عملتها قبل كده
أتمني يارب يعجبكم و تستمتعوا بالمسلسل."
ووجهت رسالة لكاست العمل قائلة: "شكرًا لكل فريق العمل اللي بجد تعبوا
وعدوا بأيام كتير أوي صعبة ومجهدة علشان المسلسل يطلع للنور.. الأستاذ صادق الصباح
والأستاذ أنور الصباح شكرًا علي ثقتكم ودعمكم ليا طول الوقت.. الأستاذ أحمد السقا بجد
مفيش كلام يديك حقك علي اد احترامك وطيبتك وخوفك علي زمايلك وحب الخير ليهم.. تواضعك
وحبك لشغلك هو سر نجوميتك، حقيقي الشغل معاك إضافه كبيرة لأي ممثل".
وتابعت: "محمد سامي أستاذي ومعلمي شكرًا علي المجهود الجبار اللي عملته
معانا كلنا، دايما الشغل معاك متعه فظيعة أنت بتخلي الممثل يصدق ويستمتع بكل مشهد بيعمله
بكل تفاصيله.. علي اد التعب والمجهود علي اد ما هتوحشني فرح بكل تفاصيلها.. اتمني يا
رب تتعلقوا بالشخصية زي مانا اتعلقت بيها وتعيشوا معاها مشوارها الـ٣٠ يوم اللي جايين،
هستني رأيكم بعد عرض الحلقات".
"ولد الغلابة" بطولة أحمد
السقا، مي عمر، محمد ممدوح، إدوارد، إنجي المقدم، هبة مجدي، تأليف أيمن سلامة، إخراج
محمد سامي وإنتاج صادق الصباح.
