عمرو الليثي يشيد بمبادرة تنظيف التلاميذ لمدرستهم بمحافظة الدقهلية
الإثنين 15/أبريل/2019 - 01:49 م
جهاد محمود
قال اﻻعلامي د. عمرو الليثي فى مقدمة برنامج واحد من الناس، إن العنوان الذى اختارته مدرسة أحمد إبراهيم الابتدائية فى قرية كفر أبو ناصر بمركز دكرنس بالدقهلية لمبادرة تنظيف التلاميذ لمدرستهم "هات كيس وانت جاى".
وأضاف الليثي: "كل تلميذ بييجى المدرسة الصبح وفى شنطته كيس يجمع فيه أى قمامة أو أوراق سواء داخل الفصل أو خارجه وبياخد الكيس معاه وهو ماشي علشان يرميه فى أقرب صندوق قمامة خارج المدرسة أو ياخده البيت ويتخلص منه هناك".
وتابع الليثي: "أد ايه الفكرة بسيطة جدا جدا لكنها عميقة جدا ومهمة جدا ومفيدة جدا"، وتساءل الليثي: طب ليه الفكرة دى اتعملت بالشكل ده؟.. علشان المدرسة مافيهاش عمال نظافة من حوالى سنة وفيها عامل نظافة واحد من ذوى الاحتياجات الخاصة واللى صعب علية انه يتحمل وحده نظافة المدرسة كلها وده اللى خلى إدارة المدرسة تفكر إنها تساعده وفى نفس الوقت تغرس فى نفوس التلاميذ سلوكا جديدا يحتم على نظافة المكان اللى بيتعلموا فيه.
وفي الختام وجه الليثي التحية لادارة مدرسة أحمد إبراهيم على مبادرتهم العظيمة اللى فيها دافع إنسانى واجتماعى فى نفس الوقت.
