تعليق ناري من عمرو أديب على مباراة الأهلي والزمالك
الأحد 31/مارس/2019 - 12:53 م
اميرة عبدالهادى
أبدى الإعلامي عمرو اديب، اندهاشه من ردود أفعال جماهير الأهلي على السوشيال ميديا بعد نهاية المباراة، قائلًا:"هما ليه كاتبين الدوري لسه في الملعب؟..يا جماعة بلوا ريقنا بكلمة حلوة دا احنا غلابة مبنفرحش كتير، كان يجب أن يكتب الجميع أن الزمالك نجح في اقتناص نقطة تقربه من الحصول على الدوري.. هو أنا مش هشوف حد ينصف الزمالك لحد لما أموت؟".
كما أبدى "أديب" خلال تقديم برنامجه "الحكاية" المذاع عدى فضائية "ام بي سي مصر"، استياءه من أرضية ملعب برج العرب خلال مباراة القمة 117، قائلًا:"هو مش العالم كله بيبقي فيه مطرة، احنا ليه الملعب بتاعنا مصارينه طلعت برا؟ بنشوف برا سيول وثلوج الملاعب بتبقي زي الفل..الناس اليوم كانت بتلعب في مستنقع..ليه الملعب مصارينه طلعت برا؟..لاعيبه كتير كانت ممكن تتعور خلال المباراة"، لافتًا إلى أن هيئة الأرصاد الجوية حذرت منذ 3 أيام من هطول الأمطار الغزيرة، لماذا لم يتخذ اتحاد الكرة قرارًا بتأجيل المباراة.
وتابع: "النهاردة شيء غريب وعجيب، ولازم نتعلم منه الدرس ليه ميتأجلش الماتش لما يبقي فيه أمطار".
