من نحن|خريطة الموقع|للاعلان
موقع الفن الأول في مصر
menuالرئيسية

الموزع أحمد ابراهيم يخرج عن صمته " برسالة حاده " لكل من إنتقد زواجة من أنغام‎

الجمعة 29/مارس/2019 - 09:03 م
أنغام و الموزع أحمد
أنغام و الموزع أحمد ابراهيم
محمد الهاوي
 
خرج الموزع أحمد إبراهيم زوج الفنانة أنغام عن صمته لفترة طويلة،وقرر الرد بشكل حاد على الانتقادات التى  تعرض لها بعد زواجه من  الفنانة أنغام.

حيث وجه رسالة شديدة اللهجة عبر حسابة الرسمي على موقع التواصل الأجتماعي"فيسبوك"قائلا:"

دي رساله لكل حد هيتجاوز من هنا ورايح
اولا بشكر كل صحفي واعلامي احترم رغبتي في عدم التعليق على الكلام الكتير اخر فترة
لكن واضح ان السكوت عند بعض الناس بقى يتفهم غلب وخوف ومحدش بيقدّر احترام الواحد لخصوصياته !
انا بعرف اتجاهل على فكره وكنت سكت طول الفترة الاخيرة ورفض الف برنامج للرد على تجاوزات في حقي وحق زوجتي التانيه او اتهامات كاذبه في حق زوجتي الاولى منسوبه ليا واتهامات من ناس سفلة عاملين (حبايب وقرايب)بيسخنوا الدنيا ضدي وضد زوجتي التانية غيرة وغل لكن ربنا الحافظ.
 
وتابع حديثه قائلا:"سكت لاني كبير واعرف ادير بيتي ازاي ومش من هواة الرد و١٧ سنه شغل لا جريت على ماده ولا شهرة لاني شبعان ولاني بتقي الله وبستخيره في تصرفاتي وباخد قراراتي بنفسي واللي عارفني عارف مين احمد ابراهيم .. اللي في الصورة معايا دي مراتي وحطاني فوق دماغها وبترضيني قبل ما تبقى نجمه واهم مطربات مصر والوطن العربي .. محدش بيجبر حد على حاجه واللي في الصورة معايا لا خدتني من بيتي و ولادي ولا خربيت بيت حد ولا الف شخص يقدروا يحرموني من ولادي .

وأضاف ولادي في حضني وهما و امهم (بنت الاصول) في رقبتي وعايشين في خيري و من عرقي ومحدش اشتكى عشان حضرتك واللي زيك يشحت بيهم و الحمد لله ولادي زي الفل ومعايا ومامتهم فوق دماغي وشايله لسه اسمي ووش الخير عليا وسواء كملنا او انفصلنا هتفضل ام ولادي وكله نصيب ومش ضعيفة عشان حد يدافع عنها
 
اللي قدامك وبتقول عليه قد ابنها ده ده عنده ٣٦ سنه ومخلف ولدين واحد فيهم ٨ سنين ومتجوز ٢ وفاتح بيتين يابو شخه واتمرمط واشتغل الف شغلانه وهو صغير وبيساعد في فتح بيوت كتير بفضل ربنا من صغره وفرق السن يا جاهل اللي بيني وبين مراتي ١١ سنه يعني اقل ٤ سنين من الفرق اللي بين السيده خديجه والنبي ص  
اللي في الصورة ده واخد جوايز ومتكرم كاحسن موزع في مصر والوطن العربي اخر ١٧ سنه اكتر ما انت دخلت الحمام وصاحب اهم بصمات ونجاحات ناس اكبر منه في السن ماحققوش ربعا و بفضل الله اعلى سعر موزع موسيقى حاليا مع اتنين تلاته كمان من جيله على مستوى وطن عربي .. 
اللي بتهاجمه ده عشان تضحك المرضى اللي شبهك عمل اغنيه اسمها على بالي لشيرين من يجي ١٥ سنه وهو بيدرس وبيشتغل شغلنتين ويصرف على نفسه كسرت الوطن العربي وله بصمه في تاريخ نجوم الوطن العربي  وقت ما حضرت كنت بتاخد المصروف من ماما .. 
اذا كانت السخرية من خصوصيات الناس موضه فا محدش هيضحك غير السفلة اللي شبهك اللي معندهمش اصل ولا شافوا خير .. 
وبالمناسبه انا مش مضطر اطلع ادافع او ابرر واتكلم في اسرار بيتي وارد على اتهامات عشان اخد بونت على حساب ام ولادي وافضح بيتي وارضي واحد زيك انا ولادي في حضني وامهم لسه في رقبتي وفوق دماغي ومحدش اخدني من بيتي و ولادي ولا حد يعرف يعملها انا اتجوزت على سنة ورسوله وراضيت ربنا
 كفاية متاجرة بولادي وامهم ونواح وعياط بحياتنا الشخصية محدش طلب تدخلكم في امور بيتي ولا حد يعرف اسرار البيوت 
اولادي او اي واحده من زوجاتي الاتنين عايشين من عرقي انا وقادر اتجوز كمان اتنين لو عاوز الحمد لله 

من هنا ورايح اللي هيوصلي انه غلط فيا او جاب سيرة اي واحده من اللي في رقبتي او تاجر وشحت بحكايتها انا همسح به الارض ومش هكتفي بالقضاء انا هروح اضربه باوسخ جزمه انا لا جاي من نيو جرسي ولا متربي في بقي معلقه دهب انا من بورسعيد وتشقيت وواخدها من تحت وبعرف ارد بادب وبعرف واسب واضرب كمان لتدخلك في حياتي الشخصية والسخرية مني ومن مراتي 
ودي قضيه جديدة اتحركت زي غيرها

احمد ابراهيم طول عمره بيحترم الجميع وراجل وتعب ونجح وهيكمل مشواره وسعيد وراضي وبيتقي الله واللي يعرف يعمل زيه يعمل ويمشي في الصح ويرضي ربنا يعمل 
انا هرد لما يجيلي مزاد ومحدش يقول امسح البوست وماتديش قيمه لاني عارف بكتب ايه وامتى ومحدش وقف معايا في معركتي غير ربنا 

واختتم حديثه قائلا:"واخيرا من حق اي واحده من زوجاتي رفض الوضع وهو حقها وهعمل اللي يرضيها وفوق دماغي لان كرامة اي واحده منهم من كرامتي !

اخيرا بعتذر لاهلي وقرايبي وحبايبي وحتى نسايبي عن اي تجاوز في حقي وحق بيتي اضرهم بسبب التضليل والحشرية و حسبي الله في كل من ظلمني
الموزع أحمد ابراهيم يخرج عن صمته " برسالة حاده " لكل من إنتقد زواجة من أنغام‎
الموزع أحمد ابراهيم يخرج عن صمته " برسالة حاده " لكل من إنتقد زواجة من أنغام‎
الموزع أحمد ابراهيم يخرج عن صمته " برسالة حاده " لكل من إنتقد زواجة من أنغام‎
الموزع أحمد ابراهيم يخرج عن صمته " برسالة حاده " لكل من إنتقد زواجة من أنغام‎
الموزع أحمد ابراهيم يخرج عن صمته " برسالة حاده " لكل من إنتقد زواجة من أنغام‎
تعليقات Facebook تعليقات وشوشة




ads


ads


ads






وشوشة على فيسبوك