رد نارى من ريهام حجاج على السخرية من اطلالتها فى زواجها الأول‎

وقامت "ريهام" بنشر هذه الصورة على حسابها الخاص بموقع انستجرام، وعلقت قائلة :" الناس التافهة اللى اجتهدت عشان تطلع صورة قديمة لكتب كتابى من مجلة و تنشرها على أنها شئ ممكن يضايقنى احب اقولهم إطلاقا.. كل محاولات التشويه اللي عمالة تحصل لواحدة اتجوزت علي سنة الله و رسوله من راجل مطلق اصلا ان دلت علي شيء فتدل على مرض النفوس ونصيحة للستات الفاضية.. مافيش راجل بيتسرق".

وتابعت قائلة :" الناس بتتجوز و تطلق عادي و كل شيء قسمة و نصيب و ربنا اللي بيبقى كاتب و مقدر .. بلاش تفاهة و لو كل واحد طلع صورته من 15 سنة هيلاقى شكله اختلف عادي .. (خاصة صور الافراح اللي فيها ٣ كيلو ماكياچ) دا رسمة الحواجب بتفرق.

وأضافت :" المهم الجوهر و أنا مافيش حاجة فى حياتي ممكن اتكسف منها و اللي حاصل دا ما شيء غير  تفاهة وحقد عشان دا جواز .. اللي الناس بتباركلي عليه .. لا خبر بقضية قتل و لا فضيحة مخلة للآداب .. كفاية هري و صحافة صفرا .. طبعا الكلام دا للمرضي النفسيين أما كل الناس الطبيعية اللي باركتلي و فرحتلي و ماعرفتش ارد عليهم من كترهم ..بشكرهم و بقولهم يا رب مسلسل كارمن يعجبكم يوم 10 فبراير علي الـCBC  ان شاء الله".

الجدير بالذكر أن الفنانة ريهام حجاج تشرك حالياً فى مسلسل كارمن والذى يعد أول بطولة مطلقة لها ويتم عرضه على احدى القنوات الفضائية المشفرة، ومن المقرر طرحه على شاشة cbc فى 10 فبراير المقبل.