محمد محمود عبد العزيز يبتكر "تريند" جديد على السوشيال ميديا

ابتكر الفنان والمنتج محمد محمود عبد العزيز، تريند جديد على مواقع التواصل الاجتماعي، بعد أن قام بنشر صورة ظهر خلالها يحمل صورة والده النجم الراحل محمود عبد العزيز، وذلك في الذكرى السنوية الثانية لوفاة "الساحر".

وعلق "محمد"، على الصورة قائلًا: "برضه هتصور مع حضرتك وهتجمعنا صور جديدة.. بصراحة الصورة دى ماكنتش متصورها عشان أنزلها على السوشيال ميديا، كنت عاملها ليا أنا بس عشان أحطها على موبايلى وأعلقها فى بيتى وشركتى، بس قلت لنفسى إن أكيد فى ناس كتير عاملة زى حالاتى وليها حد غالى عليها بعيد عنها، أيا كان نوع البعد حتى لو مسافر مدة طويلة".

وأضاف قائلًا: "نصيحتى.. اعمل زى ما أنا عملت، اتصور صورة حلوة مع صورة حلوة للشخص الغالى عليك، ولو كان مسافر ابعتهاله وعرفه قيمته عندك وحسسه بحبك ليه، ساعتها أكيد هيفرح وانت كمان هتفرح وهتقصر بينكوا المسافات مهما طالت".

وتابع: "العمر مهما طال قصير، اللى انت حاسه قوله واللى بتحبه قوله بحبك فى وشه، صدقنى ممكن بكره ماتلاقيهوش، أما لو الغالى عليك المسافة اللى بينك وبينه أبعد من السفر، أكيد برضه هيحس وهيفرح وأنت كمان هتفرح انك معاه فى صورة جديدة حتى لو مع صورته.. وأسألكم الفاتحة والدعاء لأبويا ولكل من رحلوا عنا".

 وأثارت فكرة محمد محمود عبد العزيز، إستحسان رواد مواقع التواصل الإجتماعي، كما نالت إعجابهم، مشيرين إلى أنها فكرة مميزة، ما جعل الكثيرين من داخل الوسط الفني وخارجه يقومون بنشر صورهم مع الأشخاص الغاليين عليهم.

يُذكر أن الساحر محمود عبد العزيز، رحل عن عالمنا يوم 12 نوفمبر 2016، بعد صراع من المرض، تاركًا إرثًا فنيًا كبيرًا، ومن أبرز أعماله السينمائية: "العار، الحفيد، الشقة من حق الزوجة، تزوير في أوراق رسمية، إعدام ميت"، ومن مسلسلاته: "رأس الغول، جبل الحلال، بابا الخلق، البشاير، رأفت الهجان".