بعد وفاة غنوة.. أيمن بهجت قمر يرد على مهاجمي أنغام

رحلت أمس الفنانة الشابة غنوة، شقيقة النجمة أنغام، إثر حادث سير، وعقب مصرعها شن عدد كبير من رواد مواقع التواصل الاجتماعي، هجوم كبير على النجمة أنغام، ما دعى الشاعر أيمن بهجت قمر، يتدخل للدفاع عن أنغام.

وكتب "قمر"، من خلال حسابه الشخصى بموقع التواصل الاجتماعى "فيسبوك": شئ مقزز ورخيص أنك في عز وفاة فنانة شابة وموسيقار عظيم مكلوم في بنته تطلع وتتكلم في تفاصيل حياة المتوفاه وأنها كانت بتشتكي من كذا وتغلط في أختها اللي هي أكيد زعلانه عليها في اللحظه دي أكتر من الشخص اللي عمال يتاجر ده وعامل أنه واحد من ضمن الأسرة".

وتابع قائلًا: هي دلوقتي بين ايدين رب كريم لا شايله من حد ولا المفروض تعمل حاجه غير الدعاء ليها بالرحمة وأنت وفر طاقتك دي وأرؤف بحال والدها اللي أكيد محتاج بنته الكبيره جنبه في ظروف زي دي احنا ايه اللي جرالنا وجرى لقلوبنا بجد! احنا ليه بقينا مليانين غل وانتقام واللقطة عندنا أهم من الإحساس! إخس.