تامر حسنى يكشف عن سبب تأخير ألبومه الجديد
الأربعاء 04/يوليو/2018 - 06:50 م
جهاد محمود
أعلن نجم الجيل تامر حسنى عن سبب تأخر ألبومه الغنائى الجديد، والذى كان من المقرر طرحه خلال الفترة الماضية بالأسواق وكتب حسنى عبر حسابة الشخصى بموقع التواصل الإجتماعى "فيس بوك" اليوم الاربعاء قائلآ: نهاركم جميل إن شاء الله سألتوا كتير عن ألبومي الجديد وقولتلكم إن غيابي ده عشان أعمل أفكار جديدة تليق بجمهور عظيم زيكم وتليق بمشواري وبمكانتي كمطرب مصرى عربى
وأوضح الألبوم ده أخد مجهود كبير من سنتين لحد النهاردة وأنا كل يوم بشتغل على تطويره وإصداره بشكل مش تقليدى وخارج الصندوق المعتاد الألبوم ده أنا بعتبره محطة جديدة ليا فى حياتى من حيث الفكر والموسيقى والجودة وأنتو أكيد هتلاحظوا ده الفترة الجاية المهم الحمد لله بدأ خلاص العد التنازلي لإصدار الألبوم وكل يوم هيكون في جديد بتعرفوه لحد ما يطلع للنور إن شاء الله ألبومي القادم اسمه "عيش بشوقك" كلمات مصطفى حسن، ألحان بلال سرور، وتوزيع بلال سرور وهاني محروس
وتابع هي أغنية مبهجة غير تقليدية تمامًا وفيها حالة يمكن بتمس معظمنا الأغنية من إخراج المخرج الكبير هادي الباجورى، وبكرة إن شاء الله هينزل أول ميكينج أوف لأغنية "وأنت معايا" اللي بتجمعني بأستاذي النجم الجزائري الكبير الشاب خالد، وهتشوفوا كواليس الأغنية وكل مراحلها، الكليب للمخرج اللبناني الكبير سعيد الماروق
