قصيدة "قوتك ف قلبك".. إهداء إلى محمد صلاح
الإثنين 25/يونيو/2018 - 07:43 م
حسين جعفر
يا قوتك ف قلبك يا فرحتك ف قلبي وف كل قلوب حبايبك
نجريج الغرباوية بنت النيل النبيّه بتصبح ع المحله
بايدين صادقه وعفيه بتقول الجاي أحلى وكل خطوه غله
رجلين سرحت وطرحت وطلعت ف المجله بتقول لمصر ياللا
لملم يا واد وراها بسيون النيل رواها
شربت طلع غناها روما غنت معاها تشيلسي رقص وقالك
يا قوتك ف قلبك يا فرحتك ف قلبي وف كل قلوب حبايبك
مدد مدد يا بدوي فجر الضمير ندانا هو عيانا ودوانا
ابو مكه قال معانا نقرا تاريخنا وفرحنا هيدوم ويعيش معانا
الله ع المصراويه لما يحيوا البهيه تلقى مصر الأبيّه جواك دايمن وجنبك
يا قوتك ف قلبك يا فرحتك ف قلبي وف كل قلوب حبايبك
