قصيدة " أحفاد الفراعنة " ... إهداء لرجال المنتخب المصري
الثلاثاء 19/يونيو/2018 - 12:51 م
حسين جعفر
غنيوه من بلدنا على كل صليب ومادنه
بتقول لولادنا اصحو انتو احفاد الفراعنه
"هيرودوت" لما زارنا لقى الكوره ف مزارنا
بردى وكتان وجلده نقطه ودايره ف مدارنا
كان لسه اللي اسمه ايه
مش عارف اسمه ايه
وهزارنا الله يجازيه توه روحه ف قرارنا
جمّد قلبك وشوط دي حياه لآخرها فوت
كل اما يعدي شوط تقابل برضه شوط
ما تخافش من الخسارة هاتعلمنا الشطاره
والماتش الجي ييجي يسقي الشربات ف دارنا
وتلعلع الكهارب وتجمع الحبايب
ف الحاره وف الميدان نرفع راسنا وعلمنا
تحيا الكوره الشراب عملت اطفال شباب
لو كل الكون غياب مصر تحضّر نهارنا