عمرو الليثى يدعو لرسم السعادة على وجه كل مريض

قال الإعلامى د. عمرو الليثى فى مقدمة حلقة اليوم من برنامج "رمضان الخير" باذاعة نجوم اف ام  أن شهر رمضان شهر المودة والرحمة، وروعة الحياة بجد انك ترسم البسمة والفرحة علي وش مريض... الرسام بيبقي شاطر في رسم لوحاته بريشته والوانه بس اكيد رسم البسمة والفرحة علي وش مريض هي دي السعادة الحقيقيه اللي بجد.

ودعا "الليثى"  أن تكون مبادرتنا اليوم هى رسم السعادة علي وجه مريض ، زوروا مثلا مستشفي الأطفال 57357 أو أبو الريش أو معهد الأورام حاول تجمع أصحابك وقرايبك وتروح تفرحهم صدقوني العطاء مش كله فلوس لأ ممكن يكون لحظة نتبرع بيها بوقتنا لاسعاد ناس تانية.

وأشاد الليثى بما قام به المهندس شادى سمير، حيث قام بالذهاب إلى الأطفال المريضة في مستشفي 57357 وارتدى بالطو الطبيب وراسم وشهم زي البلياتشو وبيروح يلعب معاهم علي أنه دكتور علشان يكسر حدة الخوف من الدكاترة وتلقي العلاج وهو بجد بيقدر يرسم الفرح والسعادة علي وشهم.