محمد محمود عبدالعزيز يوجه رسالة مؤثرة لوالده

وجه الفنان محمد محمود عبد العزيز، رسالة لوالده الراحل الفنان الكبير محمود عبد العزيز، وذلك من خلال حسابه الشخصى بموقع الصور الشهير انستجرام.

وظهر "محمد" فى صورة وهو بجوار والده وكتب عليها قائلًا: "كل سنة وحضرتك طيب وبخير يا أبويا وصاحبي وأخويا وكل ما ليا أتمنى تكون هدايايا بتوصل لحضرتك وأتمنى إني أكون مشرفك وربنا يقدرني وأفضل مشرف حضرتك لحد ما ربنا سبحانه وتعالى يجمعنا ببعض على خير أو زي السنة اللي فاتت وطول ما أنا لسه على وش الأرض".

وأضاف "عايز أهدي لحضرتك كل حاجة بعملها سواء إنتاج أو تمثيل أو أي حاجه كويسة بعملها وتبسطك أو أي خير بعمله زي ما علمتني وبرضه بهدى لحضرتك صيامي وكل ركعة وكل حرف هقرأه من المصحف الشريف ربنا يتقبل مني ويقدرني وأبقى ربعك في أي حاجة ورمضان كريم وكل سنة وحضراتكم بألف صحة وسلامة وربنا يريح قلوبكم ويفرحها ويشفى كل مريض ويرجع كل بعيد ويصبر كل واحد موجوع ويهون علينا جميعآ بحق الشهر الفضيل".