حسين جعفر للمناضلة الجزائرية:" جميله الثوره عاشت"
الإثنين 19/فبراير/2018 - 08:30 م
حسين جعفر
بيقولوا جميله ماتت
وقلنا: جميله عاشت
جميلة الثوره جايّه
جميله الثوره قامت
جميله الثوره طارت
ورفرفت علينا
ضد طيور الضلام
جميله الثوره قالت
: فليسقط الكلام
لو ياكُل حق ابني
وعرق أهلى وجيراني
جميله الثوره قالت
: فليسقط الأناني
: والظالم والحرامي
جميله الثوره فين
ف كل نن عين
ف كل نبض قلب
على مر السنين
وكل صرخه طلعت
تقول العدل فين
جميلة أم العحايب
أم الثوره النبيله
بتبلّغ الحبايب
بنت البلد أصيله
مهمًا عليّا جاروا
أنا حره مش سجينه