بالفيديو.. محمد أنور يُغني لزوجته "يخربيتك يا جواز" في حفل زفافهم
الأربعاء 16/أغسطس/2017 - 11:28 م
سلمى عبدالعزبز
قام نجم مسرح مصر الفنان الشاب محمد أنور، بعمل مفاجأة لعروسه نوران التركي في حفل زفافهم، بغناؤه أغنية بعنوان "يخربيتك يا جواز ويخربيت معرفتك"، والذي تفاعل معها الحضور بشكل كبير، حيث أقيم حفل الزفاف يوم الأحد الماضي في فندق "مينا هاوس" بمنطقة الأهرامات بالجيزة.
"يخربيتك يا جواز" طرحت علي القناة الرسمية لـ "أنور" على موقع الفيديوهات "اليوتيوب"، وهي من تأليف وائل حمزة، ومأخؤذة من لحن أغنية "الكيف" لـ كايروكي وطارق الشيخ.
كلمات الأغنية
"يخربيتك يا جواز ويخربيت معرفتك
صحيح جوك لطيف بس ياريتني ما عرفتك
فالأول كنت تمام يادوب بجيب برفان
دلوقتي بكع فلوس على البيت وع المدام
يخربيتك يا جواز فلستني وفلقت
متبهدل في المصاريف ولا بستلف من حد
في واحد ابن حرام لعب في دماغي
قالي الجواز دا تمام اه منه اه ياخوفي
وستارة جابت دولاب ودولاب جاب دفاية
دفاية جابت سرير واتنفخت في النهاية
من يومها وأنا.. بدفع أنا
الناس هناك في الساحل وأنا بشطب هنا
يخرب بيتك يانيش يامعيشني في مذلة
لا انا عارف منك اعيش ولا عارف اجيب حله
بدفع فلوس بالكومة عشان عزومة
زعلانه.. ومسكالي شومة
يخرب بيتك ياحب ويخرب بيت أيامك.
كدبت كل الناس ومصدق كلامك.
اخترت بنت طيبة.. رقة ودلع و حنان
انسانة مني قريبة وحبيبة قلبي نوران.
( احلى واجمل نوران)
بإشارة جابتني نوران ونوران جابت ضحكاية
ضحكاية جابت ماذون واحلوت النهاية (الحكاية)
دي حياتي انا وحبيبتي انا
الناس فرحانه بيا وانا طاير هنا
بإشارة جابتني نوران ونوران جابت ضحكاية
ضحكاية جابت مأذون وأحلوت النهاية (الحكاية)".
الاغنبة من تأليف وائل حمزه. الحان وتوزيع كايروكي.
