ماذا قال محمد محمود عبد العزيز لوالده بمناسبة مرور 5 سنوات على تأسيس "فنون مصر"

بعث المنتج والفنان محمد محمود عبد العزيز، رسالة لوالده الفنان الراحل محمود عبد العزيز، من خلال صفحته الشخصية بموقع التواصل الاجماعي "فيسبوك"، وذلك بمناسبة مرور 5 سنوات على تأسيس مجموعة فنون مصر.

وقال "محمد": "زى النهارده من خمس سنين كان أول عمل لشركة مجموعة فنون مصر اللى أبويا كان أول واحد يآمن بيها ويشرفها بموافقته بالشغل معانا أنا وأخويا الكبير ريمون".

وأضاف: أكيد فى الأول كان بيعمل كده عشان يقف جنبى ويسندنى فى أول طريقي فى الإنتاج زى ما أي أب فى الدنيا بيساند ويدعم ابنه، لكن مع كل سنه كان بيوافق أنه يجدد ثقته فينا ويشتغل معانا تانى كنت بتأكد أنه من جواه مصدقنا ومؤمن بينا لأنى متأكد أنه لا يمكن يجامل فى شغله.

وأكمل: أتمنى أكون مشرف حضرتك ويا رب أفضل أشرف حضرتك لغاية ما نتقابل قريبًا ان شاء الله، ومش هقول برضه غير ربنا يخليك ليا يا سندى وظهرى وأبويا وأخويا وصاحبى، واحشنى اوى.. "اسألكم الفاتحه والدعاء لأبويا ولأمواتنا جميعًا".