شريف منير يفجر مفاجأة عن" الزبيق" ويوجه رسالة لجمهوره
فى سؤال من صديق بيقول إن الدراما فى مسلسل الزيبق أخدت حيّز كبير على حساب الأحداث المخابراتية فى المسلسل وده كان ردّى.
وأضاف شريف:" حضرتك طرحت سؤال فى أول الكلام على أى أساس قرر الإنتاج إن القصة تحتاج جزئين ؟؟
وأنا بقه عندى نفس السؤال لحضرتك على أى أساس حضرتك قررت إن القصة مش محتاجة جزئين ؟ هل حضرتك على علم بتفاصيل قصة الزيبق إللى الملخص بتاعها عند خمس أطراف فقط المخابرات العامة المصرية وائل عبدالله كريم عبد العزيز وليد يوسف والعبدلله.
وتابع :" عملية " الزيبق " إللى تفاصيلها أنا والأربع أطراف السالف ذكرهم عارفينها كويس من رابع المستحيلات تتلم فى جزء واحد وده بسبب كثرة الأحداث وسخونتها وتم فعلاً نقاش بَيَّنَّا على الجزء الدرامى فوجدنا بما إن العمل فى كل الأحوال لازم يخرج على جزئين فيتعمل بالبلدى كده على نار هادية ما يتسلقش الشاهد أنا رأئيّ إن أى حد شايف إن الأحداث كان ممكن تتلم فى تلاتين حلقة لازم يكون على علم بالقصة.
وتابع:" أولاً علشان يحكم صح، وفى سبب مهم جداً الناس مستعجلة تدخل فى الأحداث على طول عايزين سسبنس ومخابرات بسرعة ونجيب من الآخر وده فى إعتقادى حيفقد العمل عنصر التشويق المسلسل من أول لحظة معروف إنه على جزئين وكل حاجة كانت لازم تاخد حقها صح تمهيداً للسخونه إللى إن شاء الله فى الجزء التانى اللعب حيكون سخن جداً تحياتي".
