بالصور.. ميرنا وليد: فرحانة جدًا بـ "ياسر جلال" في "ظل الرئيس"

تزامنا مع احتفالات عيد الفطر المبارك، حرصت الفنانة ميرنا وليد على طرح جلسه تصوير جديده اتسمت بالأناقة والشبابية من تصوير المصور الشاب أحمد عابد، ميك اب رنا حلبي، كوافير كريم محمد.

وحرصت ميرنا على ارتداء ألوان زاهيه ورسمت على وجهها ابتسامة عريضة توحي بالتفاؤل والفرح.

وفي تصريحات صحفية، أكدت ميرنا، أنها تابعت هذا العام مسلسين هما ظل الرئيس وكلبش  ، إذ قالت: " ظل الرئيس وكلبش فرحانه جدا جدا بنجاح ياسر جلال لأنه من زمان واحنا بنتوقع ليه مستقبل وهوا يستحق اللي وصل ليه لانه تعب جدًا جدًا لحد ما وصل انو يقود عمل درامي بالحجم ده والعمل فعلًا كان مفاجأة ومن اسباب نجاحه التفاهم الكبير بينه وبين المخرج أحمد سمير فرج يعني تحس ان كل واحد عارف التاني عاوز ايه وبيساعده، وكلبش قصته حلو جدا وبتلمس واقع حياتنا ويستحق لقب مسلسل الشارع".

وعن احتفالها بالعيد، قالت: "انا العيد مش بحب اخرج فيه بحب أقضيه في البيت وفرحه العيد بالنسبه ليا أول كوبايه مايه أشربها أول ما بصحى من النوم بعد صيام رمضان".

يذكر أن ميرنا وليد تستعد للعودة للساحة الفنية خلال الفترة الحالية، وتعكف على دراسة عدد من السيناريوهات.