"عيني فيه وأقول إخيه".. تكرهون رامز جلال وهذا هو السبب !
ايه رأيك فى برامج المقالب اللي بيعملها رامز جلال؟
برامج سخيفه
بتعتمد على الاستهزاء بالضيوف واللعب بمشاعرهم وتخويفهم.
وحضرتك ايه رأيك
في برامج رامز جلال اللى بيعملها فى رمضان؟
مابتعجبنيش خالص،
بخاف على الضيوف علشان اللى بيعمله فيهم رامز ممكن يعرضهم للخطر وحد فيهم يجيله
ازمة قلبية ويروح فيها.
الاستاذ اللى قاعد
هناك.. ايوه حضرتك.. ايه رأيك فى برامج رامز جلال؟
يا عم كل ده تمثيل،
والضيوف دول بيبقوا عارفين كل اللى بيحصل وبياخدوا فلوس علشان يطلعوا فى البرنامج
ويعملوا الشويتين دول.
طيب حضراتكم
بتتفرجوا على البرنامج؟
ايه الاحراج ده.. بصراااااحه..
أه !!!!!
هذا هو حال
الغالبية العظمى ممن ينتقدون برامج المقالب التى يقدمها النجم رامز جلال منذ بدء
عرضها على قناة الحياة وحتى انتقالها على شاشة قناة mbc مصر.
يشاهدون حلقات البرنامج
وتتعالى ضحكاتهم وبعد انتهاء الحلقة يعقدون حاجبهم ويبدأون حلقة من النقد النابع
من غيرتهم أو "غلهم" من النجاح الذي يحققه رامز عام يلو الأخر من خلال
مقالبه التى حتى ولو أخطأ فيها على الجانب الانساني، الا ان ارقام المشاهدة تدل
وبدون أي نقاش أو جدال انه رقم واحد سنويا فى قائمة البرامج الاعلى مشاهدة فى
رمضان بفارق كبير عن أقرب منافسيه، "إن وجد".
رغم تعاطفى مع بعض
ضحايا رامز جلال الا انني لا انكر انني من متابعي برنامجه، ولا انكر ايضا انه
ابنائي الصغار يعشقون برنامجه ويحرصون يومياً على مشاهدته وبالطبع لا احد ينكر مدى
سعادته عندما يشاهد ابنه او ابنته وضحكاتهم البريئة تتعالى من القلب بتلقائية
شديدة.
أتعجب من هؤلاء
الذين خرجوا ليدافعوا عن زملائهم الذين ظهروا فى حلقات سابقة أو قادمة من
البرنامج، يبررون هجومهم على رامز وفريق عمل برنامجه بأن هناك اضرار جسديه ونفسية
اصابت وستصيب ضحايا المقالب، "طيب هو الضحايا دول مالهمش لسان" يستطيعون
به رفض اذاعة الحلقة ويرفضون المقابل المادي "الضخم" الذي يتقاضوه مقابل
ظهورهم فى البرنامج والموافقة على اذاعة ماتم تصويره.
كفى متاجرة
ومزايدة وحقد على نجاح ممثل حقق نجاحاً لم يستطع غيره الوصول اليه، حاولوا أن
تخفوا مشاعر "الغل" التى نراها يوماً يلو الاخر فى اخبار وتصريحات تهاجم
رامز، وغيرها من مشاعر "الشماته" الواضحه فى اراء البعض الذين
"اقطع دراعي من هنا" انهم لو عرض عليهم ربع المقابل المادي الذي يتقاضاه
رامز او ضيوفه سيفعلون اضعاف ما يفعله بحجة "لقمة العيش يا بيه".
"من الاخر
وبدون تزويق الكلام مايبقاش عينك فيه وتقول إخيه"
